Proclamatie Marcel II

Foto Marcel 2

Ich Marcel d´r II, Baron va de Kastanjelaan, Graaf va Treebeek en Jubileumprins va C.V. Chalet verkondig:

1. Geboare in 66 in het Winkbülleland,
Mè al gauw noa Broenssum gekomme, en doa mit gekrieëge unne vaste band;

2. 26 joar gewoand in dit Vasteloavendsrieëk,
Vertoef noë bie de Kastanjes woa ich op Treebeek kieëk;

3. 30 joar hub ich bie BSV/Limburgia d’r baal loate rolle en tempo gemaakt,
Mit de Vasteloavend gunt vuur veul danse, lope en sjpringe bis ‘t Chalet oet zieng voege kraakt;

4. In d’r gaard wirke doan ich hieël gèr,
Mit de drei dol daag, onderhouw ich d’r Treebeekse Vasteloavendstuin mit plezeer;

5. Mit Koi’s, zo bont gekluurd, veul ich mich es unne vusch in ut water,
Roëd, geel en greun zörge vuur sjpass mit de Carnaval en gene kater;

6. Nicole, Kyara en Kay zunt mieng lust en lève,
Mit hun en uch allemaol gunt vuur unne sjoene Vasteloavend belève;

7. Bie Sitech Services in Gelèn, let ich op de bonne en ut geld,
Zodat vuur mit de Carnaval neet zunt oetgeteld;

8. Wae mit de Vasteloavend neet mit geet in de polonaise, zal ut belaeve,
Dae mot mich en d’r President 4 x 11 rundjes gaeve;

9. Hèle, Gebrook, Broenssum en Treebeek, unne Parkstadmaan, zoë te huure,
Mè dink d’r aan, bie C.V. Chalet sjteet ’t te gebuure;

10. Mit de drei dol daag zal hië sjoene moezik klinke,
En zullen vuur er samen un paar op drinke;

11. Ich vruuj mich op dit Jubileumjoar,
Prins Marcel II sjteet vuur uch klaor !

Mieng motto zal zieje: Amuseer uch, maak in dit Jubileum veul plezeer, vergèt effe de zörg en pak uch un lekker pötje beer!

Marcel d’r II, der 10 januaar 2015

Advertenties